ТАДБИРКОР БEКЗОД МАМАТҚУЛОВ ШАРҲИ -
“Ўзбекистон Республикаси Президентининг ПФ-177-сонли Фармони хусусий секторнинг ролини кучайтириш ва давлатнинг иқтисодиётдаги иштирокини изчил қисқартириш йўлидаги муҳим қадам эканини таъкидлади.
Унинг сўзларига кўра, умумий қиймати 100 триллион сўмлик давлат активларининг сотувга чиқарилиши тадбиркорликни ривожлантириш ва янги инвестицияларни жалб этишга кучли туртки бўлиши мумкин. Унинг фикрича, фармонда активларни сотиб олиш учун назарда тутилган механизмлар, жумладан, 15 фоизлик аванс тўлови, қолган суммани фоизсиз равишда босқичма-босқич тўлаш имконияти, шунингдек, муддатидан олдин тўлов амалга оширилганда чегирмалар тақдим этилиши алоҳида аҳамиятга эга. Бундай шартлар бизнес учун қўшимча рағбат яратиб, хусусий капиталнинг хусусийлаштириш жараёнида иштирок этишини янада қулайлаштиради.
Бекзод Маматқулов, шунингдек, активларни реализация қилишда бозор тамойилларига ўтиш муҳимлигини таъкидлади. Унинг фикрича, ер участкаларини “тайёр пакетлар” шаклида таклиф этиш ва уларни зарур инфратузилма билан таъминлаш инвесторларнинг лойиҳаларни тезроқ ишга туширишига ҳамда харид қилинаётган ресурслардан самаралироқ фойдаланишига имкон беради.
Бекзод Маматқуловнинг эътироф этишича, холдинг хусусийлаштириш соҳасида амалга оширилаётган ислоҳотларни қўллаб-қувватлайди. Унинг қайд этишича, ислоҳотларнинг асосий натижаларидан бири маҳаллий ва хорижий инвесторларни кенг жалб этиш, харид қилинаётган активларни модернизация қилиш ҳамда улар негизида янги замонавий ишлаб чиқариш қувватларини яратиш бўлиши керак.
“Хусусийлаштириш — бу нафақат активларни хусусий қўлларга ўтказиш. Бу уларга янги ҳаёт бахш этиш, инвестицияларни жалб қилиш, замонавий технологияларни жорий этиш ва иқтисодиётнинг янги ўсиш нуқталарини яратиш имкониятидир”, — дея қўшимча қилди тадбиркор.
Батафсил
________
